मा प्रकाशित
कनिका खबर
असार २४, दैलेख ।
दैलेख जिल्लाको एक विद्यालयको विद्यालय व्यवस्थापन समितिको बैठकमा बोल्दाबोल्दै समितिका एक सदस्यको मृत्यु भएको छ ।
जिल्लास्थित भैरबी गाउँपालिका–३ मा अवस्थित जनसेवा प्रावि भुवाटाकुराका विद्यालय व्यवस्थापन समितिका ६१ वर्षीय सदस्य औंसे कामीको मृत्यु भएको हो ।
जिल्ला प्रहरी कार्यालय दैलेखका अनुसार शिक्षकहरुको तलब, विद्यालयको शैक्षिक प्रशासनलगायत विषयमा छलफल भइरहेको बेला उनी एक्कासी ढलेका थिए ।
उनी बोल्दै गर्दा अकस्मात् ढलेपछि उनलाई अस्पताल पुर्याउँदा अस्पतालले उनलाई मृत घोषित गरेको हो ।
