मा प्रकाशित
दाङ, १ मंसिर ।
नेकपा एमालेले विशेष बैठक डाकेको छ । एमालेका अध्यक्ष केपी शर्मा ओलीले भोलि शनिबार दिउँसो १ बजेका लागि विशेष बैठक डाकेका हुन् ।
बैठकमा पार्टीका पदाधिकारी, उपलब्ध केन्द्रीय सदस्यहरू, जनसंगठनका पदाधिकारी, उपत्यकाका पार्टी कमिटीका प्रमुखहरू लगायतलाई बोलाइएको बताइएको छ ।
समसामयिक राजनीति तथा राष्ट्रिय युवा संघ नेपालले मङ्सिर ७ गते काठमाडौँमा गर्न लागेको प्रदर्शनको तयारीका सन्दर्भमा छलफल गर्न विशेष बैठक बोलाएको एमाले स्रोतले जनाएको छ। बैठकमा अध्यक्ष ओलीले सम्बोधन गर्ने जनाइएको छ ।
एमालेको भ्रातृ संस्था राष्ट्रिय युवा संघले यही मंसिर ७ गते भ्रष्टाचार, महँगी, अनियमितता तथा राज्यको अराजकताविरुद्ध काठमाडौँमा जनप्रदर्शन गर्दैछ।
