कनिका डेस्क
असार २६, दाङ
अमेरिकामा कोरोना भाइरस कोभिड १९ का कारण मृत्यु हुनेहरुको सङ्ख्या १ लाख ३५ हजार ८ सय २८ पुगेको छ । अमेरिकामा मात्रै कोरोना भाइरस कोभिड १९ बाट ३२ लाख २० हजार ५ सय मानिस सङ्क्रमित भएका छन् । यस्तै ब्राजिलमा कोरोना भाइरसका कारण ६९ हजार २ सय ५४ जनाको मृत्यु भएको छ । यस्तै गरि छिमेकी देश भारतमा कोरोना भाइरसका कारण झण्डै ८ लाख मानिस सङ्क्रमित भएका छन् ।
भारतमा हाल सम्म ७ लाख ९५ हजार ६ सय ५ जना मानिस कोरोनाका कारण सङ्क्रमित भएका छन् । भारतमा हाल सम्म २१ हजार ६ सय ३२ जनाको भने कोरोनाको कारण मृत्यु भैसकेको छ । यसैबीच, विश्वभर कोरोना भाइरस कोभिड १९ का कारण १ करोड २३ लाख ९७ हजार भन्दा धेरै मानिस सङ्क्रमित भएका छन् । विश्वभर नै कोरोनाका कारण ५ लाख ५७ हजार ५ सय ६९ जनाको भने मृत्यु भएको छ । हाल सम्म कोरोना सङ्क्रमित भएका ७२ लाख २७ हजार मानिस भने उपचार पछि स्वस्थ भएका छन् ।
