कनिका डेस्क
असार २७, दाङ
स्पेनिस ला लिगा फुटबलमा रियल मड्रिडले आल्भेसमाथि सहज जित निकालेको छ । गएराति रियलले घरेलु मैदानमा आल्भेसमाथि २–० को जित दर्ता गराएको हो । रियलको जितमा बेन्जिमाको प्रर्दशन उत्कृष्ट रह्यो । पेनाल्टीमा पहिलो गोल गर्नुभएका उहाँले दोस्रो गोलका लागि समेत पास उपलब्ध गराउनुभएको थियो । करिम बेन्जिमाले ११ औं मिनेटमा पेनाल्टीमा रियललाई अग्रता दिलाउनुभएको थियो । एसेन्सियोले ५० औं मिनेटमा गोल गर्दै रियलको जित सुनिश्चित गर्नुभयो । रियल मड्रिड यस सिजनको लिग उपाधिबाट मात्र दुई जित टाढा रहेको छ । शीर्ष स्थानको रियलले ३५ खेलबाट ८० अंक जोडेको छ । उसले दोस्रो स्थानको बार्सिलोनासंग स्पष्ट ४ अंकको अग्रता लिएको छ । लिगमा तीन चरणको खेल बाँकी रहदाँ रियललाई उपाधिका लािग दुई खेलमा जित निकाले मात्र पुग्नेछ । आल्भेस ३५ अंक सहित रेलिगेशन जोन भन्दा एक स्थान माथि छ ।
मा प्रकाशित
