मा प्रकाशित
दाङ, २६ मङ्सिर ।
दाङमा बितेका तीन दिनमा ६ वटा सवारी दुर्घटना भएका छन् । जिल्लाका विभिन्न स्थानमा यही मङ्सिर २४, २५ र २६ गतेमा ६ वटा सवारी दुर्घटना भएका हुन् ।
जिल्ला प्रहरी कार्यालय दाङले दिएको जानकारी अनुसार तीन दिनमा ६ वटा सवारी दुर्घटना भएका छन् । २४ गते जिल्लाको खिलतपुर र कमिरे चौरमा गरी दुई वटा सवारी दुर्घटना भएका छन् । त्यस्तै २५ गते दमारगाउँ, पर्सेनी र रामपुर गरी तीनवटा सवारी दुर्घटना भएका छन् । २६ गते मसोटमा सवारी दुर्घटना भएको छ ।
तीन दिनमा भएका सवारी दुर्घटनामा परी ९ जना घाइते भएका छन् । घाइतेमध्ये चारजना डिस्चार्ज भइसकेका छन् भने पाँचजनाको उपचार भइरहेको जिल्ला प्रहरी कार्यालय दाङका सूचना अधिकारी जनकबहादुर मल्लले जानकारी दिएका छन् । आज मङगलबार भएको दुर्घटनामा परी एकजनाको मृत्यु भएको छ ।
