मा प्रकाशित
जाजरकोट, २७ मङ्सिर ।
गत कार्तिक १७ गते जाजरकोटको रामीडाँडा केन्द्रबिन्दु भएर गएको भूकम्पछि जाजरकोटमा चिसोका कारण मृत्यु हुनेको सङ्ख्या २९ पुगेको छ । गत बिहीबार जिल्लाको छेडागाड नगरपालिकामा त्रिपालमुनि बस्दै आएकी थप एक महिलाको मृत्यु भएपछि मृत्यु हुनेको सङ्ख्या २९ पुगेको हो ।
छेडागाड नगरपालिका–११ झाप्राका ५८ वर्षीया कलशी उपाध्यायको चिसोका कारण मंसिर २५ गते मृत्यु भएको नगरपालिका उपप्रमुख चन्द्र थापाले बताए। यससँगै मृृत्यु हुनेको संख्या २९ पुगेको छ।
जाजरकोटको रामीडाँडा केन्द्रबिन्दु बनाएर गएको ६ दशमलव ४ म्याग्निच्युडको भूकम्पले धेरैलाई घरबारविहीन बनाएको छ। केही घर पूर्णरुपमा भत्किएका छन् भने अधिकांश घर चर्किएका छन्। घर चर्किएपछि खुला आकाशमुनि रात बिताउनुपर्ने बाध्यता छ।
