भारतबाट दाङ हुँदै प्रवेश गरेकोे सलहको नयाँ झुण्ड प्युठानमा पनि

कनिका संवाददाता
असार २९,काठमाडौं

भारतबाट दाङ हुँदै प्रवेश गरेकोे सलहको नयाँ झुण्ड आज प्युठान जिल्लाका विभिन्न स्थानमा पुगेको छ । हिजो दिउँसो दाङको राप्ती गाउँपालिका र गढवा गाउँपालिकामा भारतबाट प्रबेश गरेको नयाँ सहलको झुण्ड अहिले प्यूठानका विभिन्न ठाउँमा पुगेको प्रदेश कृषि निर्देशानलयले जनाएको हो । हिजो प्रवेश गरेको सलह आज बिहानै प्युठानका अधिकांश ठाउँका पुगेको निर्देशनालयका वरिष्ठ बाली संरक्षण अधिकृत कामना अधिकारीले सीआइएनलाई जानकारी दिनुुभयो । सलह फरक, फरक झुण्ड बनाउँदै हिँडेकोले कति समय बस्ने एकिन गर्न नसकिएको उहाँले बताउनुुभयो । प्युठान पुगेको सलह रोल्पा र अर्घाखाँची तिर पनि जाने सम्भावना रहेको छ । अहिले आएको सहलले किसानले लगाएको मकैबालीमा क्षति पु¥याएको छ । प्युठानका किसानले सहल धपाउन भाडा ठटाउने, धुँवा लगाउने काम गरिरहेका छन् ।