सरद सागर देबकोटा
असार २९, लमही ।
देउखुरी लमही नगरपालीका वडा नम्बर ७ बनगैका एक माहुरी पालक किसानले माहुरीको महबाट मनग्य आम्दानी लिन सफल भएका छन् । वर्षमा ६० देखि ७० हजार रुपैयाको मह बिव्रmी गर्ने गरेको शेर बहादुर बुढाले बताए । सुरुमा राष्ट्रिय चुरे संरक्षण कार्यक्रम अन्तरगत जिल्ला कृषि विकास कार्यालयबाट ९३ प्रतिशत अनुदानमा ५ घार माहुरी ल्याई माहुरी पालन सुरु गरेका बुढाको अहिले २९ घार माहुरी बनाएका छन । अरु पशु पन्छी पालन र कृषि कार्यभन्दा धेरै मेहनत पनि गर्न नपर्ने भएका कारण सजिलैसँग राम्रो आम्दानी हुने भएको हँुदा यो व्यबसाय अङ्गालेको बुढाले बताए । उसो त बुढाले बाख्रा पालन र खेतबारीमा बालीनाली लगाउने गरेको बताए तर बाख्रा पालन र खेतबारीमा गरेको मेहनतको तुलनामा माहुरी पालनमा त्यति धेरै मेहनत गर्न नपर्ने र सजिलै आम्दानी हुने गरेको बताए ।
तोरीको फुल फुल्ने सिजनमा भन्दा अरु सिजनमा माहुरी पाल्न अलि गाह्रो भए पनि गाउँ घरमा आफू एक्लैले माहुरी पालन गरेको हँुदा घर वरिपरिमा रुख बिरुवाका फूलहरुले पनि मद्दत गरेको बुढाले बताए । बाख्रा पालन र खेतपातीबाट भन्दा धेरै र सजिलै माहुरी पालनबाट आम्दानी हुने गरेको बुढाको भनाइ छ ।