कनिका संवाददाता
असार ३०, कालिकोट
कोरोना भाइरसका कारण संक्रमित भएर कोरोना अस्पताल कालिकोटमा उपचाररत सबैजना निको भएर घर फर्किएका छन् । कालिकोट र अन्य जिल्लाका गरी ४८ जनामा कोरोना देखिएको थियो । ४८ मध्येका ३८ जनाले कोरोना जितेर घर गएको स्वास्थ्य सेवा कार्यालय कालिकोटले जनाएको छ ।
जिल्ला स्वास्थ्य सेवा कार्यालय कालीकोटका सूचना अधिकारी कटक वहादुर महतले ४८ मध्ये ३८ जनाको दोस्रो र तेस्रो पटकको स्वाब परिक्षण नेगेटिभ आएपछि उनिहरुलाई घर पठाइएको बताउनुभयो । उहाँका अनुसार २१ दिन थप होम क्वारेन्टाईनमा बस्ने सल्लाह दिएर घर पठाएको हो । उपचारमा संलग्न स्वास्थ्यकर्मीको रिर्पोट पनि नेगेटिभ आएपछि उनीहरु समेत घर गएका छन् । अहिले कोरोना अस्पताल खाली छ ।
कोरोना पोजेटिभ भएका ब्यक्तिमा कुनै पनि लक्षण नदेखिएकाले सम्बन्धित ठाउँमा नै स्वास्थ्यक्रर्मीको निगरानीमा राखिएको सूचना अधिकारीले कटक बहादुर महतले जानकारि दिनुभयो ।
