मा प्रकाशित
कनिका संवाददाता
असार ३०, खोटाङ,
खोटाङ दिक्तेलका जलश्रोत तथा सिँचाइ डिभिजन कार्यालय प्रमुख नारायणकाजी श्रेष्ठलाई अख्तियार दुरुपयोग अनुसन्धान आयोगको टोलीले घुससहित पक्राउ गरेको छ । सेवाग्राहीबाट ९ लाख ३४ हजार घुस लिइरहेको अवस्थामा कार्यालय प्रमुख श्रेष्ठलाई आज अख्तियार दुरुपयोग अनुसन्धान आयोगको टोलीले कार्यालयबाटै रंगेहात पक्राउ गरेको हो । श्रेष्ठको साथबाट श्रोत नखुलेको ९९ हजार ५ सय रुपैयाँ पनि जफत गरिएको बताइएको छ ।
हाल जलश्रोत तथा सिँचाइ डिभिजन कार्यालय आसपासमा सिल गरेर प्रवेशमा रोक लगाइएको छ ।
