कनिका संवाददाता
असार ३१, सिन्धुपाल्चोक
बहुप्रतिक्षित मेलम्ची खानेपानी आयोजनाको सुरुङ परीक्षणको क्रममा अम्बाथानको गेट भत्केर गम्भीर दुर्घटना भएकोप्रति ध्यानाकर्षण भएको सिन्धुपाल्चोक २ का प्रतिनिधिसभा सदस्य, शेरबहादुर तामाङ्गले बताउनु भएको छ । उहाँले हिजो प्रेस वक्तव्य जारी गर्दै ईन्जीनियर सतिस गोहित र सवारी चालक राधाकृष्ण थापामगर वेपत्ता भएकोमा सकुशल उद्दारको अपेक्षासहित घाईते दावा लामा र शेखर खनालको शिघ्र स्वास्थ्य लाभको कामना गर्नुभएको छ । त्यस्तै उहाँले सुरङको परीक्षणको क्रममा गेट फुट्नुले केही प्रश्नहरू उब्जाएको पनि बताउनुभयो । यही आषाढ २१ गते सुरुङको परीक्षणको नाममा हतार हतार स्थानीय जनता र जनप्रतिनिधिहरूलाई थाहै नदिई सुरुङमा पानी हाल्नु कतै राम्रोसँग सुरुङ वा गेटको सेटिङ नै नभई परिक्षण त गरिएन ? जसको परिणाम गेट नै भत्किन पुग्यो भन्दै उहाँले प्रश्न गर्नुभएको छ ।
यस घटनाले सम्पूर्ण संरचनाको पूनः एकपटक स्वतन्त्र निकायबाट निष्पक्ष जाँच गर्नुपर्ने आवश्यकता देखिएको पनि वक्तव्यमा उल्लेख छ ।
