मा प्रकाशित
दाङ, ११ वैशाख ।
दाङमा कार र माेटरसाइकल ठाेक्किदा तीनजना घाइते भएका छन् । जिल्लाको तुलसीपुरमा कार र मोटरसाइकल ठोक्किदा पैदलयात्रीसहित ३ जना घाइते हुन् ।
घाइते हुनेमा तुलसीपुर–६ का २२ वर्षीय समिर थापा, तुलसीपुर–५ का २० वर्षीय गणेश बुढाथोकी र सोही ठाउँ निवासी पैदलयात्री १८ वर्षीय प्रतिभा वली रहेकाे प्रहरीले जनाएको छ ।
जिल्लाकाे घोराहीबाट तुलसीपुरतर्फ जाँदै गरेको बा.प्र. ०१०२६ च ४३२२ नम्बरको कार र तुलसीपुरबाट घोराहीतर्फ आउँदै गरेको रा ३ प ९८६ नम्बरको मोटरसाइकल तुलसीपुर–६ गुल्मचोक नजिकै आज मङ्गलबार दिउँसो सवा २ बजेको समयमा ठोक्किदा दुर्घटना भएको थियाे ।
दुर्घटनामा परी गम्भीर घाइते भएका तिनैजनाको राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ ।
