धादिङ,२० वैशाख ।
धादिङमा एक घरमा भएकाे आगलागीमा परी एक बृद्ध दम्पतीकाे मृत्यु भएकाे छ ।
बुधबार राति करिब साढे ११ बजे जिल्लाकाे थाक्रे गाउँपालिका–५, गैरिखर्कस्थित अन्दाजी ७० वर्षीय तेजबहाुदर लामाको घरमा आगलागी भएको थियाे ।
आगलागीमा परी तेजबहादुर र उनकी श्रीमती अन्दाजी ७० वर्षीया ठूली तामाङको मृत्यु भएको प्रहरीले जनाएको छ ।
राति करिब साढे १२ बजे प्रहरी र स्थानीयको सहयोगमा आगलागी नियन्त्रणमा लिइएको थियो ।
आगलागी नियन्त्रणमा लिइएपछि जलेर मृत्यु भएको अवस्थामा लामा दम्पतीको शव फेला परेको सो कार्यालयले जनाएको छ । उनीहरूका छोराछोरी काठमाडौंमा बस्दै आएका छन् ।
विद्युत् सर्ट भई आगलागी भएकाे प्रहरीले जनाएको छ ।