कनिका संवाददाता
साउन १, काठमाडौं
आज एक सय ६७ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयले नियमित कोभिड–१९ सम्बन्धी जानकारी दिने क्रममा नेपालका विभिन्न प्रयोगशालमा गरिएको परीक्षणमा थप एक सय ६७ जनामा कोरोना भाइरसको सङ्क्रमण पुष्टि भएको बताएको छ । मन्त्रालयका प्रवक्ता डा. जागेश्वर गौतमले नयाँ सङ्क्रमित थपिएसँगै नेपालमा कोरोनाका कारण सङ्क्रमित हुनेको सङ्ख्या १७ हजार ३ सय ४४ पुगेको जानकारी दिनुभयो । यस्तै पछिल्लो २४ घन्टामा २ सय १३ जना कोरोना सङ्क्रमित निको भएको पनि उहाँले बताउनुभयो । प्रवक्ता डा. गौतमले योसँगै नेपालमा कोरोनाका कारण सङ्क्रमित भएकामध्ये निको हुनेको सङ्ख्या ११ हजार २ सय ४९ पुगेको पनि जानकारी निदुभयो । उहाँले पछिल्लो २४ घन्टामा कोरोनाका कारण कसैको पनि मृत्यु नभएको र मृत्यु हुनेको सङ्ख्या ३९ नै रहेको बताउनुभयो ।
मा प्रकाशित
