मा प्रकाशित
काठमाडौं, २५ वैशाख ।
सभामुखले देवराज घिमिरे र प्रमुख दलका शीर्ष नेताहरूबिच छलफल हुँदै छ । सभामुख घिमिरेले प्रधानमन्त्री पुष्प कमल दाहाल प्रचण्डसहित प्रमुख दलका शीर्ष नेताहरूसँग छलफल गर्न लागेका हुन् ।
सभामुख घिमिरेले आज बिहान साढे ११ बजे सिंहदरबारस्थित सभामुखको कार्यकक्षमा बैठक बोलाएका हुन् ।
संसद्को वर्षे अधिवेशन सुरु हुनुअघि सहकारी प्रकरणमा सहमतिको प्रयासका लागि सभामुखले शीर्ष नेताहरूलाई बैठकमा बोलाएका हुन् ।
सभामुखले प्रधानमन्त्री पुष्पकमल दाहाल, नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली, राष्ट्रिय स्वतन्त्र पार्टीका सभापति रवि लामिछाने र राष्ट्रिय प्रजातन्त्र पार्टीका अध्यक्ष राजेन्द्र लिङ्देनलाई बोलाएका छन् ।
