दाङ, २७ वैशाख ।
नारायणपुर उद्योग वाणिज्य संघको निर्वाचनमा संयुक्त व्यवसायी प्यानलाइ ३ दलले समर्थन गरेका छन् ।
संयुक्त व्यवसायी प्यानललाई अध्यक्षका उम्मेद्वार अनिल बस्नेत, उद्योग उपाध्यक्ष बसन्त न्यौपाने, उपाध्यक्ष कुलराज खनाल र सचिव मिना भण्डारीलाई ३ दलको समर्थन रहेको जनाएका छन् ।
नेपाली काङ्ग्रेसका घोराही उपमहानगरपालिका वडा नं १० का सभापति देवबहादुर वली, नेकपा एमाले घोराही १० का अध्यक्ष तिलक महरा, नेकपा माओवादी केन्द्र घोराही १० का अध्यक्ष विष्णु भण्डारीले एक विज्ञप्ति जारी गरी यस्तो जानकारी दिएका हुन । उनीहरुले संयुक्त व्यावसायी प्यानललाई विजयी गराउन समेत मतदाताहरुलाई आग्रह गरेका छन् ।
पूर्व अध्यक्षहरुको पनि समर्थन नारायणपुर उद्योग वाणिज्य संघका पूर्व अध्यक्षहरुले संयुक्त व्यवसायी प्यानलाइ समर्थन गरेका छन् । पूर्व ६ जना अध्यक्षहरुले संयुक्त रुपमा विज्ञप्ति जारी गरी यस्तो जानकारी दिएका हुन । यसरी विज्ञप्ति जारी गर्नेहरुमा बलदेव शर्मा, दानवहादुर बुढाथोकी, प्रकाशकुमार न्यौपाने, चित्रवहादुर डाँगी (निर्मल), गोपाल लम्साल, महेन्द्रकुमार दाहाल रहेका छन् ।
