कनिका संवाददाता
साउन २, काठमाडौं
प्रधानमन्त्री रोजगार कार्यक्रम अन्तर्गत सूचीकृत हुन सरकारले एक महिनाको समय थपेको छ । रोजगार सेवा केन्द्रमा बेरोजगार व्यक्तिले निवेदन दिने तथा छानविन गरी सूचीकरण गर्न साउन ८ गते देखि २०७७ भदौ ७ गतेसम्म समय तोकिएको श्रम, रोजगार तथा सामाजिक सुरक्षा मन्त्रालयले जनाएको छ । गत चैत्र एकदेखि सूचीकरण सुरु भए पनि विश्वव्यापी रुपमा फैलिएको कोरोना भाइरस (कोभिड–१९) को सङ्क्रमण र चैत ११ देखि गरेको देशव्यापी बन्दाबन्दीको कारण काम प्रभावित भएकाले सूचना ढिलो गरि जारी भएको मन्त्रालयका सहसचिव एवं प्रधानमन्त्री रोजगार कार्यक्रमका राष्ट्रिय कार्यक्रम निर्देशक सुुमन घिमिरेले सीआइएनलाई जानकारी दिनुुभयो । मन्त्रालयले सबै स्थानीय तहलाई सम्बन्धित वडाबाट वेरोजगार व्यक्तिको निवेदन सङ्कलन र बेरोजगार व्यक्ति सूचीकरणको आवश्यक व्यवस्था गर्न सरकारले निर्देशन दिइसकेको छ ।
मा प्रकाशित
