मा प्रकाशित
राधा कृष्ण शर्मा,
साउन २, महोत्तरी
महोत्तरी जिल्लाकै प्रसिद्घ श्रावणी मेला यस वर्ष नलाग्ने भएको छ । बर्दिवास नगरपालिका वडा नं. ५ टुटेश्वरमा रहेको प्रसिद्घ महादेव मन्दिरमा प्रत्येक वर्ष साउनको हरेक सोमबार श्रद्घालू भक्तजनहरूको घुइँचो लाग्ने टुटेश्वर श्रावणी मेला यो वर्ष नलाग्ने भएको हो ।
श्रावणी मेला नलगाउन भनि जिल्ला प्रसाशन कार्यालय महोत्तरीले बर्दिवास नगरपालिकालाई गरेको परिपत्र अनुसार यस वर्षको श्रावणी मेला रोकिएको हो । विश्व महामारीको रुपमा फैलिएको कोरोना भाइरस संक्रमणका कारण यस वर्ष मन्दिरमा जल चढाउने, दर्शन गर्ने, बजार तथा मेला लगाउने जस्ता गतिबिधि नगर्न जिल्ला प्रसाशन कार्यालय महोत्तरीले गरेको परिपत्रमा उल्लेख छ ।
