मा प्रकाशित
कनिका खबर
साउन २, कालिकोट
पहिरोका कारण कालिकोटमा विद्युत सेवा अवरुद्ध भएको छ । जिल्लाको रास्कोट नगरपालिका र सान्नीत्रिवेणी गाउँपालिकाको सीमाना सान्नीगाड खोलामा रहेको पोत्मारा साना जलविद्युत आयोजनाको क्यानेल आज बिहान पहिरोले भत्किएपछि विद्युत सेवा अवरुद्ध भएको हो ।
नेपाल विद्युत प्राधिकरण कालिकोट वितरण केन्द्रका प्रमुख मेगराज जोसीले पहिरोका कारण पोत्माराको विद्युत उत्पादन पूर्ण रुपमा बन्द भएको जानकारी दिनुभयो । उहाँले पोत्मारा साना जलविद्युत आयोजनामा विद्युत उत्पादन बन्द भएसँगै कालिकोटमा अनिश्चित कालका लागि विद्युत सेवा अवरुद्ध भएको बताउनुभयो ।
