दोलखामा गत आर्थिक वर्षमा सवारी साधन दुर्घटनामा परि १२ जनाको मृत्यु

कनिका खबर
साउन ३, दोलखा
दोलखामा गत आर्थिक वर्षमा सवारी साधन दुर्घटनामा परि १२ जनाको मृत्यु भएको छ । २०७६ को साउनदेखि २०७७ असार मसान्तसम्म ३५ वटा सवारी साधन दुर्घटना हँुदा १२ जनाको मृत्यु भएको जिल्ला ट्राफिक प्रहरी कार्यालय दोलखाले जनाएको छ । यस्तै दुर्घटनामा ४९ जना घाईते भएको जिल्ला ट्राफिक प्रहरी कार्यालय दोलखाका प्रहरी हवल्दार जगदिश कार्कीले जानकारी दिनुभयो । कार्कीका अनुसार जिल्लामा मोटरसाईकल सबैभन्दा बढी ११ वटा, बस ५ वटा, ट्रक ९ वटा, जिप र कार ५ वटा, ट्याक्टर ३ वटा र अन्य २ वटा गरि ३५ वटा साना तथा ठुला सवारी साधन दुर्घटना भएको हो । मृत्यु हुनेमा पुरुष ७ जना, महिला २ जना, बालक २ जना र बालिका १ जना रहेका छन् । सवारी साधन दुर्घटनामा परि २६ जना गम्भीर र २३ जना सामान्य गरी ४९ जना घाईते भएका छन् ।