मा प्रकाशित
कनिका खबर
साउन ४, सप्तरी
प्रदेश नम्बर २ को सप्तरी जिल्ला स्थित तिलाठी कोइलाडी गाउँपालिका हरेक वर्ष डुबानमा पर्दै आएको छ । यो वर्षपनि लगातारको पानीका कारण गाउँपालिका पुरै डुबानमा परिसकेको छ । आज पनि बिहान १० बजेदेखि निरन्तर पानी परिरहँदा गाउँपालिकामा पानीको स्तर बढ्दै गएको छ । गाउँमा पानीको निकास नहुँदा वर्षाकै पानीले गाउँ डुबानमा पर्ने गरेको गाउँपालिकाका स्थानीयको भनाइ छ ।
गाउँपालिका वडा नम्बर ८ का अध्यक्ष लक्ष्मी प्रसाद खङ्गले सीआईएनसँग कुराकानी गर्दै गाउँपालिकामा बसोबास गर्ने ३५ हजार नागरिकलाई सुरक्षित स्थानमा कसरी राख्ने भन्ने विषयमा सरकारले नै कुनै ठोस नीति नबनाउँदा हरेक वर्ष यो समस्या भोग्नु परेको बताउनुभयो । गाउँपालिका नै डुबानमा पर्दा स्थानीयबासीलाई खान, बस्न लगायतको समस्या हुन थालेको छ ।
