कनिका खबर
साउन ४, डडेल्धुरा ।
डडेल्धुराका तीन स्थानीय तहमा सलह किरा देखिएको छ । जिल्लाको परशुराम नगरपालिका, अजयमेरु गाउँपालिका र भागेश्वर गाउँपालिकामा सलह किरा देखिएको हो । परशुराम नगरपालिका ७ सादनी, अजयमेरु गाउँपालिका १ को मुद्रडा र भागेश्वर गाउँपालिका ३ को बोगटा र खालमा सलह किरा देखिएको हो । ठूलो हुलमा रहेको सलह देखिएसँगै किसान चिन्तित बनेका छन् ।
गत वर्षसम्म जगंली वनेलले मकै, भट्मासका साथै धानबालीसमेत क्षति पु¥याउने समस्य सहनु परेका किसान यस वर्ष सलहले खेतबारी नष्ट गर्ने भन्दै चिन्तित बनेका हुन् ।
डडेल्धुरामा भित्री मधेसमा सलह किरा यसै वर्ष दोस्रोपटक देखिएको छ ।
अजयमेरु १ मुद्रडामा पहिलोपटक सलह किरा देखिएको छ । खेतीबालीका लागि निकै हानिकारक र खतरनाक मानिएको सलह कीरा जिल्लाका विभिन्न क्षेत्रमा रहेका मकैबालीमा देखिन थालेपछि कृषक किराको रोकथाम तथा बाली बचाउने उपायका लागि स्थानीय तहलाई गुहार्न थालेका छन् । ठूलो संख्यामा सलह देखिएको परशुरामका सादनीका स्थानीय किसान कालुसिंह साउँदले जानकारी दिए ।
