मा प्रकाशित
कनिका खबर
साउन ५, दाङ ।
लगातारको मनसुन अझैं पाँच दिन लम्बिने भएको छ । जल तथा मौसम विज्ञान विभागका अनुसार नेपालमा अझैं पाँच दिन भारी वर्षा हुनेछ ।
विभागले नेपाली आकाशमुनि न्यून चापीय रेखा आएर बसेको र यो रेखा नहटेसम्म झरी पर्ने जनाएको छ ।
नेपालमा प्रदेश १, प्रदेश २, गण्डकी प्रदेश, बाग्मती प्रदेश, प्रदेश ५ र सुदरपश्चिम प्रदेशमा वर्षा भइरहेको जल तथा मौसम विज्ञान विभागले जनाएको छ ।
पछिल्लो २४ घण्टामा नेपालका अधिकांश स्थानमा पानी परेको जनाइएको छ । विभागमा महानिर्देशक सरजुकुमार वैद्यका अनुसार न्यून चापीय रेखा पश्चिमबाट पूर्वतिर सरेकाले पूर्वीपहाडी क्षेत्रमा भारी वर्षा हुने सम्भावना छ ।
