कनिका खबर
साउन ५, सिन्धुपाल्चोक
सिन्धुपाल्चोकको मेलम्ची स्थित आइसोलेसनमा उपचाररत १३ जना कोरोना सङ्क्रमित निको भएका छन् । २२ जना रहेको आइसोलेसनबाट आज एकै दिन १३ जनाको रिपोर्टमा कोरोना नदेखिएपछि डिस्चार्ज गरिएको छ ।
जसमा ११ जना घर फर्किएका छन् भने वर्षाका कारण घर जान नसकेका दुई जना अस्पतालमै बसेको मेलम्ची नगरपालिकाका उपप्रमुख भगवति नेपालले जानकारी दिनुभयो । ती दुइ जना बाहेक अब मेलम्ची नगरपालिकाको आइसोलेसनमा सात जना कोरोना सङ्क्रमित उपचाररत छन् भने क्वारेन्टाइनमा नौ जना रहेका छन् ।
आज बिदाइ हुनेमा इन्द्रावति गाउँपालिकाको एक जना र पाँचपोखरी थाङ्पाल गाउँपालिकाको १२ जना रहेको जनाइएको छ ।