कनिका खबर
साउन ५, ओखलढुंगा
ओखलढुंगाका ७२ वर्षका क्यान्सर ग्रसित एक जेष्ठ नागरिक कोरोना सङ्क्रमणपछि स्वस्थ भएका छन् । जिल्लाको लिखु गाउँपालिकाका ७२ वर्षका एक पुरुषमा असार २६ गते कोरोना सङ्क्रमण पुष्टि भएको थियो । क्यान्सरका कारण ग्रसित वृद्धलाई क्यान्सर अस्पतालले उपचार सम्भव नहुने देखेपछि घर पठाएको थियो । लामो समयदेखि क्यान्सरबाट थलिएका उनलाई पारिवारको हेरचाह आवश्यक पर्ने भन्दै घरमै राखिएको थियो । वृद्धको हिजोको रिपोर्टमा कोरोना नदेखिएपछि उनी स्वस्थ भएको प्रमुख जिल्ला अधिकारी कृष्ण पौडेलले जानकारी दिनुभयो ।
यसैबीच, ओखलढुंगाका सबै कोरोना सङ्क्रमित निको भएका छन् । अहिलेसम्म सङ्क्रमण देखिएका पाँच जनाकै रिपोर्टमा कोरोना नदेखिएको भन्दै अस्पतालबाट डिस्चार्ज गरिएको जिल्ला स्वास्थ्य कार्यालयका प्रमुख सुमन तिवारीले बताउनुभयो । लिखु गाउँपालिकाका ७२ वर्षका पुरुष र मिसन अस्पतालमा उपचाररत अन्य चार जनाको हिजो कोरोना रिपोर्टमा कोरोना नदेखिएको उहाँले जानकारी दिनुभयो ।
मा प्रकाशित
