मा प्रकाशित
कनिका खबर
साउन १०, सुनसरी
सेवाग्राहीसँग घुस लिएको रकम सहित जिल्ला वन कार्यालय सुनसरीका डिभिजन प्रमुख रामबाबु साह श्रीमती सहित पक्राउ परेका छन् । सेवाग्राहीसँग लिएको घुस रकम सहित उनलाई सुनसरीको कोसी गाँउपालिका स्थित पूर्व पश्चिम राजमार्गबाट अख्तियार दुरुपयोग अनुसन्धान आयोग इटहरीको टोलीले पक्राउ गरेको हो । अख्तियारको टोलीले वनकार्यालय प्रमखसँगै उनकी श्रीमती किरण साहलाई पनि नियन्त्रणमा लिएको हो । वन कार्यालयको बा २ झ ४१० नम्बरको गाडीमा घर जादैे गरेको अवस्थामा उनलाई पक्राउ गरेको हो । प्रहरीले गाडीमा लुकाई राखेको श्रोत नखुलेको ५ लाख ५३ हजार रुपैंयाँ बरामत गरेको छ । पक्राउ परेका दुबैजनाको अनुसन्धान भैरहेको अख्तियारले जनाएको छ ।
