मा प्रकाशित
कनिका खबर
साउन ११, अछाम
अछामको पञ्चदेवल विनायक नगरपालिकमा मात्र आज एकैदिन १४ जनामा कोरोना सङ्क्रमण पुष्टि भएको छ । धनगढीस्थित सेती प्रादेशिक अस्पतालको प्रयोगशालामा गरिएको परिक्षणमा नगरपालिकामा १३ जना पुरुष र एक महिला गरि १४ जना सङ्क्रमण पुष्टि भएको सेती प्रादेशिक अस्पतालले जनाएको हो ।
नगरपालिका वडा नम्वर एक कुइकाका एक जना, वडा नम्वर दुइ विनायकका तीन जना, वडा नम्वर तीन विनायकका एक जना, वडा नम्वर ६ तोलीका नौ जनामा सङक्रमण भएको नगरपालिकाको स्वास्थ्य शाखा संयोजक लक्ष्मिकान्त बजगाईले जानकारी दिनुभयो । उहाँका अनुसार यो सँगै नगरपालिकामा कोरोना सङक्रमण हुनेको संख्इया ४४ पुगेको छ ।
