मा प्रकाशित
बालकुमार शर्मा
साउन १२, जाजरकोट ।
जाजरकोटको कुशेगाँउपालिका १ स्याक्रीमाविषालु च्याउ खाँदा एक बालिकाको मृत्यु भएको छ । च्याउ खाएर बिरामी परेका जनक चलाउनेका ३ वर्षका छोरी अन्जना चलाउनेको बाटुले स्तिथ स्थानीय स्वास्थ्य केन्द्रमा उपचारका लागि लैजादै गर्दा बाटोमै मृत्यु भएको वडा अध्यक्ष गोपाल नेपालीले जानकारी दिए । च्याउ पकाएर खाँदा अन्य ७ जना बिरामी भएका छन् । बिरामी हुनेमा कुशे गाउँपालिकाका वडा नम्बर १ का ५० वर्षका टेक बहादुर चलाउने, ३० वर्षका ललित चलाउने, ३० वर्षकै कल्पना चलाउने, १४ वर्षका पशुपती चलाउने तथा छिमेकीहरु ९ वर्षका निरुता सिङ, १२ वर्षका धन्सरा चलाउने र १४ वर्षका औसरा चलाउने रहेका छन् । बिरामीहरु सबै जनाको स्थानीय स्वास्थ्य संस्थामा उपचार भइरहेको र थप उपचारका लागि बाहिर लै जाने तयारी भइरहेको गाँउपालिकाले जनाएको छ ।
