मा प्रकाशित
कनिका खबर
साउन १२, सिन्धुपाल्चोक ।
सिन्धुपाल्चोक कोरोना सङ्क्रमण मुक्त जिल्ला बनेको छ । ६५ जना कोरोना सङ्क्रमित रहेको सिन्धुपाल्चोकका ६३ जना निको भएसँगै सिन्धुपाल्चोक कोरोना सङ्क्रमण मुक्त जिल्ला बनेको स्वास्थ्य कार्यालयका प्रमुख दुर्गादत्त चापागाईंले बताए । २ जनाको उपचारको क्रममा मृत्यु भएको थियो । शून्य सङ्क्रमणको अवस्था भएपनि पुनः सङ्क्रमण देखिन सक्ने जोखिम कायमै रहेको भन्दै उनले सबैलाई सचेत रहन आग्रह गरे । घर फर्किएकालाई एक साता होम क्वारेन्टाइनमा स्वास्थ्यकर्मीको निगरानीमा बस्न भनिएको छ । सरकारले लकडाउन अन्त्य भएको घोषणा गरेको र मानिसहरुको आवतजावत तथा अन्य गतिविधिहरु बढेको अवस्थामा थप सचेतना अपनाउन पनि उनले सुझाव दिए ।
