बैतडीमा महिलाको नाममा जग्गा दर्ता गर्नेको संख्या बढ्दै – Kanika Khabar
Sunday, April 27Nepali News Portal

बैतडीमा महिलाको नाममा जग्गा दर्ता गर्नेको संख्या बढ्दै

    मा प्रकाशित

कनिका खबर
साउन १२, बैतडी
पछिल्लो समयमा बैतडीमा महिलाको नाममा जग्गा दर्ता गर्नेको संख्या बढ्दै गएको छ । नेपाल सरकारले महिलाको नाममा जग्गादर्ता गर्दा राजस्वमा समेत छुट दिएकाले महिलाको नाममा जग्गा दर्ता गर्नेको संख्या बढ्दै गएको मालपोत कार्यालय बैतडीका सूचना अधिकारी अनिल चन्दले जानकारी दिनुभयो । गत आर्थिक वर्षमा ९१ जना महिलाको नाममा जग्गा दर्ता गराए वापत २ लाख ७७ हजार राजस्व छुट भएको उहाँले बताउनुभयो ।

महिलाको नाममा जग्गा दर्ता गरेमा २५ प्रतिशत राजस्व छुट हुने नियम रहेको सूचना अधिकारी चन्दले बताउनुभयो । महिलाको नाममा जग्गादर्ता हुने क्रम बढेपछि महिलामाथि हुने हिंसा पनि कम हुँदै जाने महिला अधिकारकर्मीहरुले बताएका छन् । महिलाको सम्पत्तिमा पहुँच नहुँदा हिंसा हुने भएकाले महिलाको नाममा जग्गा दर्ता हुँदै गएपछि महिलामाथि हुने हिंसामा केही कमी आउने अधिकारकर्मी पार्वती भट्टले बताउनुभयो ।

"कनिका खबर डट कम"

यो नेपाली भाषाको डिजिटल पत्रिका हो । हामी तपाईंहरूका सामु छुटै महत्वको साथ समाचार पस्कदै छौँँ । हामी सधैं तपाईंको रचनात्मक सल्लाह र सुझावको अपेक्षा गर्दछौं । हामीलाई पछ्याउनुभएकोमा धन्यवाद । हरपल तपाईंको समाचारको साथी कनिका खबर  [Email : [email protected]]

     
प्रतिक्रिया दिनुहोस्