नेकपा भित्रको झाँगीदो विवाद, प्रचण्ड र ओलीबीचभएको तीन घण्टा वार्ताले पनि निकास निकाल्न सकेन – Kanika Khabar
Friday, March 5Nepali News Portal

नेकपा भित्रको झाँगीदो विवाद, प्रचण्ड र ओलीबीचभएको तीन घण्टा वार्ताले पनि निकास निकाल्न सकेन


    मा प्रकाशित

कनिका खबर
साउन १८, काठमाडौं

सत्तारुढ नेकपा कम्युनिस्ट पार्टी (नेकपा)का अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच आज करिव तीन घण्टा भएको छलफल निष्कर्ष बिहिन भएर टुंगिएको छ । साउन १३ गते ओलीले एकपक्षीय रुपमा बैठक स्थगन र प्रचण्डले आफ्नो अध्यक्षमा बहुमत सदस्य सहित स्थायी कमिटी बैठक राखेको ६ दिनपछि दुई अध्यक्षबीच भेटवार्ता भएको थियो । प्रचण्ड, वरिष्ठ नेता झलनाथ खनाललाई लिएर बालुवाटार पुग्नुभएको थियो भने ओलीले संसदीय दलका उपनेता सुवास नेम्वालाई सहभागी गराउनुभएको थियो । प्रधानमन्त्री निवास बालुवाटारमा भएको वार्तामा दुवै अध्यक्ष आ–आफ्ना अडानमा कायमै रहेकाले ठोस सहमति नभएको बैठकमा सहभागि नेताले बताएका छन् ।

बैठक भोलि पुनः छलफलमा बस्ने गरी टुंङ्गिएको छ । प्रचण्डको अध्यक्षमा बसेको स्थायी कमिटी बैठकले अर्का अध्यक्ष ओलीसँग सम्वाद गरी बैठकको नयाँ मिति तय गर्ने जिम्मा प्रचण्डलाई दिएको थियो । यसबीचमा प्रचण्डले महासचिव बिष्णु पौडेलललाई बोलाएर सहमतिका केही विकल्प समेत अघि सार्नुभएको थियो । तर ओलीले एकतर्फी रुपमा स्थगन गरेको स्थायी कमिटी बैठक पुनः सुचारु गर्नेबारे पनि सहमति बन्न सकेन । पार्टीभित्रका मध्यमार्गी नेताले दुवै अध्यक्षबीच समझादरीको प्रयास गरेका छन् । दुई अध्यक्षबीच समझदारी भएपछि मात्र बैठकको मिति तोकिने बैठकमा सहभागि नेताले बताएका छन् ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्