मा प्रकाशित
कनिका खबर
साउन १९, दाङ ।
पार्टीभित्रको जारी विवाद समाधान गर्ने बारेमा सत्तारुढ नेपाल कम्युनिस्ट पार्टी (नेकपा) का अध्यक्ष द्वय केपी शर्मा ओली र अर्का अध्यक्ष पुष्पकमल दाहाल प्रचण्डबीच आज पनि छलफल हुँदैछ । हिजो भएको छलफल निष्कर्षविहीन भए पनि सकारात्मक रूपमा अघि बढेका कारण आज बिहान फेरि छलफल हुन लागेको बालुवाटार स्रोतले जनाएको छ । अहिले बिहान ९ बजे प्रधानमन्त्री तथा पार्टी अध्यक्ष ओलीको सरकारी निवासमा हुने छलफलमा भाग लिने भएका छन् ।
ओलीले संसदीय दलका उपनेता सुवास नेम्वालाई हिजोको बैठकमा सहभागी गराउनुभएको थियो । यही साउन १३ गते ओलीले एकपक्षीय रूपमा स्थायी कमिटी बैठक स्थगन र प्रचण्डले आफ्नो अध्यक्षमा बहुमत सदस्यसहित स्थायी कमिटी बैठक राखेको ६ दिनपछि दुई अध्यक्षबीचको संवादहिनता टुटेको हो ।
