कनिका खवर
साउन १९, दाङ
दुई अन्तरिक्ष यात्रीलाई लिएर आएको अमेरिकी अन्तरिक्ष यान आइतवार अन्तर्राष्ट्रिय अन्तरिक्ष केन्द्रबाट पृथ्वीमा सकुशल अवतरण गरेको छ ।
झण्डै दुई दशकपछि अमेरिकाले पहिलो पटक मानव सहितको अन्तरिक्ष यान अन्तर्राष्ट्रिय अन्तरिक्ष केन्द्रमा पठाएको हो । यसले अमेरिकाले अहिले पनि सुरक्षित रुपमा मानवलाई अन्तरिक्षमा पुर्याएर सुरक्षित रुपमा पृथ्वीमा अवतरण गराउने क्षमता रहेको सनदेश दिएको छ ।
सन् १९७५ मा अपोलो–सोयुज मिसन पश्चात् अमेरिकाले पहिलो पटक समुद्री इलाकामा अन्तरिक्ष यात्रीलाई ओरालेको हो । यस मिसनमा कमान्डर बब बेनकिन र डघ हर्ली सहभागी थिए ।
सन् २०११ मा अन्तिम अन्तरिक्ष यान प्रक्षेपण गरेको अमेरिकाले केही वर्षदेखि अमेरिकाले मानव अन्तरिक्ष अभियान स्थगित गरेको थियो भने अन्तरिक्ष यात्रीलाई अन्तर्राष्ट्रिय अन्तरिक्ष केन्द्रमा पठाउन रुसको सहायता लिन थालेको थियो ।
यो अभियान अमेरिकी अन्तरिक्ष केन्द्र (नासा) र अमेरिकी धनाढ्य एलन मस्कले स्थापना गरेको निजी कम्पनी स्पेसएक्सद्वारा संयुक्त रुपमा संचालन गरिएको थियो ।
स्पेसएक्समा यात्रारत दुई अन्तरिक्ष यात्री फ्लोरिडा नजिकको समुद्री क्षेत्रमा प्यारासुट मार्फत अवतरण गरेका थिए ।
मा प्रकाशित
