मा प्रकाशित
दाङ । दाङको सोनापुर मिनरल एन्ड आयल प्रालिले विगतमा लोडसेडिङको समयमा डेडिकेटेड तथा ट्रंक लाइनबाट विद्युत उपभोग गरेको प्रिमियम महसुलको बक्यौताको पहिलो किस्ताको रकम हिजो मंगलबार तिरेको छ।
सोनापुर मिनरलको विद्युत लाइन हिजो मंगलबार साँझ जडान गरिएको छ। सोनापुर मिनरलले २०७२ माघदेखि २०७५ वैशाखसम्ममा डेडिकेटेड तथा ट्रङ्क लाइन प्रयोग बापतको प्रिमियम महसुलको पहिलो किस्ता बुझाएका हो ।
सोनापुर मिनरलको २४ करोड २९ लाख ९९ हजार रुपैयाँ बक्यौता रहेको छ । बक्यौतालाई २८ किस्तामा विभाजन गरेर सोनापुर मिनरले ८६ लाख ३० हजार रुपियाँ पहिलो किस्ता बुझाएको हो ।
प्राधिकरणले ७ कात्तिकमा बिजुलीको लाइन काटिदिएको थियो ।
