कनिका खबर
साउन २४, नुवाकोट ।
समुदायमै कोरोना भाइरसको संक्रमण हुन थालेपछि नुवाकोटमा जिल्ला प्रशासन कार्यालयले निषेधाज्ञा जारी गरेको छ । प्रशासनले हिँडडुलमा समेत प्रतिवन्ध लगाउँदै निषेधाज्ञा जारी गरेको हो । विदुर र बेलकोटगढी नगरपालिका र १० गाउँपालिका रहेको नुवाकोटमा ५३ जनामा कोरोना संक्रमण पुष्टि भएको छ । जसमध्ये ३६ जना निको भई घर फर्किसकेका छन् भने बाँकी अस्पतालमा उपचाररत रहेको स्वास्थ्य कार्यालय नुवाकोटले जनाएको छ । आजदेखि लागू हुनेगरी भदौ ३ गते राति १२ बजेसम्म १० दिनका लागि नुवाकोटका विभिन्न स्थानमा निषेधाज्ञा जारी गरिएको प्रमुख जिल्ला अधिकारी झंकनाथ ढकालले जानकारी दिए ।
मा प्रकाशित