मा प्रकाशित
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले बालेन शाहले देश बनाउने बताएका छन् ।
सोमबार जनकपुरधाममा रास्वपाको ‘परिवर्तन उद्घोष सभा’ मा सम्बोधन गर्दै लामिछानेले बालेन शाहले देश बनाउछ भन्ने लागेर सहकार्य गरेको बताएका हुन् ।
बालेनसँगको सहमतिको प्रसंग निकाल्दै लामिछानेले आफुहरु बीच पाँच मिनेटमा नै कुरा मिलेको दाबी गरेका छन् ।
उनले अहिलेसम्म देश र मधेशलाई भएको अन्याय भएको भन्दै अब त्यसको हिसाब लिने बताए ।
उनले रास्वपाले सबैभन्दा धेरै मत ल्याएर संसदमा प्रवेश गर्ने दाबी गर्दै पुराना दलहरुप्रति कुनै प्रतिशोध नसाध्ने बताए । उनले प्रतिशोध नासाधेपनि अहिलेसम्म देश लुटेको हिसाब भने गर्ने चेतावनी दिए ।
कार्यक्रममा बालेन शाहले मैथिली भाषामा सम्बोधन गरेका थिए ।
