कनिका खबर
साउन २५, जुम्ला ।
जुम्लामा फेरी कोरोना सङ्क्रमित थपिएपछि निषेधाज्ञा जारी गरिएको छ । स्थानीय प्रशासनले चन्दननाथ नगरपालिका र तिला गाउँपालिका वडा नम्वर ५ मा निषेधाज्ञा गरिएको छ । प्रमुख जिल्ला अधिकारी भुपेन्द्र थापाद्धारा हस्ताक्षरित जारी निषेधाज्ञामा साउन २५ गते दिउसो ३ बजेबाट चन्दननाथ नगरपालिकाको पूर्वमा दानसाँघु, पश्चिममा उमगाड, उत्तरमा कर्णाली प्राविधिक शिक्षालय र दक्षिणमा तिलानदीमा निषेधाज्ञा जारी गरिएको छ ।
यसैगरी तिला गाउँपालिकाको वडा नम्वर ५ ढिमकोट गाउँको पूर्वमा चुलाकोट, पश्चिममा जुगामुल, उत्तरमा डुग्री गाउँ, दक्षिणमा खोलिगाउँ चार किल्लामा औषधी पशल र स्वास्थ्यसेवा वाहेक सवै क्रियाकलापहरु पूर्ण रुपमा बन्द गर्न अर्को निर्णय नभए सम्म सङ्क्रामक रोग ऐन २०२० को २(२) र स्थानीय प्रशासन ऐन २०२८ को ६ (३) बमोजिक निषेधाज्ञा जारी गरिएको जिल्ला प्रशासन कार्यालयले जानकारी दिएको छ ।
