त्रिदेशीय मार्गको रसुवागढी सञ्चालनमा, पहिरो पन्छाएर सडक खुलाइयो – Kanika Khabar
Wednesday, April 17Nepali News Portal

त्रिदेशीय मार्गको रसुवागढी सञ्चालनमा, पहिरो पन्छाएर सडक खुलाइयो

    मा प्रकाशित

कनिका खबर
साउन २६, नुवाकोट

पहिरोका कारण लामो समयदेखि अवरुद्ध भएको त्रिदेशीय मार्गको रुपमा रहेको त्रिशूली–धुन्चे–रसुवागढी सडकखण्ड सञ्चालनमा ल्याइएको छ । सडकमार्गमा खसेको पहिरो पन्छाएपछि सो सडकमार्ग हिजोबाट पुनः सञ्चालन भएको हो । पासाङ ल्हामु सडकमार्ग अन्र्तगत रहेको त्रिशूली–धुन्चे–स्याफ्रुवेशी सडकखण्डको भार्खु डाँडामा भासिएको सडक मर्मत गरि पुनः सञ्चालनमा ल्याइएको जिल्ला प्रहरी कार्यालय रसुवाले जानकारी दिएको छ । यहि साउन १९ गते परेको अविरल वर्षाका कारण सडक किनाराबाट पहिरो गई सडक पूर्ण रुपमा बन्द भएको थियो । निरन्तर सडक मर्मतको काम गरेर पूर्ण रुपमा खुलाइएको प्रहरी नायव उपरिक्षक इन्द्रप्रसद सुवेदीले जानकारी दिनुभयो ।

उहाँका अनुसार भार्खु डाँडामा पहिराले कटान गरेको स्थानमा नयाँ ट्रयाक खोली सडक सुचारु गरिएको हो । पहिरोले ५० मिटर सडक कटान गरेर १ मिटर मात्र सडक बाँकी रहेको थियो । सडक डिभिजन कार्यालय नुवाकोटले आवश्यक उपकरण तथा प्राविधिक खटाएर एक सातापछि सडक सञ्चालनमा ल्याएको हो । सो स्थानमा टेवा पर्खाल निर्माण गरि दुईतर्फी सडक सञ्चालनमा ल्याउने बताइको छ । हाललाई नयाँ ट्रयाक खोलेर सडक सञ्चालनमा ल्याइएको हो । प्रहरीका अनुसार रसुवाका अन्य स्थानमा पहिरोले अवरुद्ध भएको सडक सञ्चालनमा आइसकेको छ । रसुवागढी नाका जोड्ने छोटो दूरीको त्रिशूली–मैलुङ–स्याफ्रुबेसी सडक भने बर्खाभरी सञ्चालनमा नआउने निश्चित भएको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्