कनिका खबर
साउन २६, सिन्धुपाल्चोक
नेपाल कम्युनिस्ट पार्टी (नेकपा) अनुशासन आयोगका अध्यक्ष समेत रहनुभएका पुर्व मन्त्री अमृत बोहोराले पार्टीमा सैद्धान्तिक भन्दा पनि व्यक्तिगत टकराबका कारण समस्या पैदा भएको बताउनुभएको छ । नेकपा क्षेत्र नं एक प्रदेश (क) द्वारा सिन्धुपाल्चोकमा आयोजित बैठकलाई सम्बोधन गर्दै उहाँले पार्टीका हरेक तहमा अनुशासनको कमि भएको र स्वेच्छाचारीता बढेकोमा चिन्ता समेत ब्यक्त गर्नुभयो । पार्टीको हरेक नेता कार्यकर्ता बैठकबाट भाग्न नहुने बिचार उहाँले ब्यक्त गनुएभएको छ ।
बैठकमा सहभागि पुर्व कानुन मन्त्री एबम क्षेत्र नम्बर दुइका सांसद शेरबहादुर तामाङले पार्टी भित्र सामान्य समस्या रहेको, पार्टी एक ढिक्का बनाउन गरिएका प्रयत्न बाहिर नआएकोमा आश्चर्य प्रकट गर्नुभयो । सांसद तामाङले जनभावना बिपरित गतिविधि गर्ने हरेक नेता कार्यकर्ता आफैं समाप्त हुने समेत बताउनुभयो । बैठकमा पुर्व सांसद सुबास कर्माचार्य, जिल्ला कमिटी अध्यक्ष झमक नेपाल, प्रदेश कमिटी सदस्य अमृता नेपाल लगायतले आफ्ना बिचार राखेका थिए ।
