मा प्रकाशित
कनिका संवाददाता
बैशाख २१, दाङ ।
नारायणी अस्पतालबाट कोरोनाको उपचारपछि निको भएर घर फर्किएका दुई जनालाई पुनः अस्पताल भर्ना गरिएको छ ।
गत बैशाख १४ गते एकैसाथ डिस्चार्ज गरिएका रौतहटका १९ वर्षीय युवक र वीरगञ्जको छपकैयास्थित मस्जिदमा बस्दै आएका एक भारतीय जमातीको स्वास्थ्यमा समस्या देखिएपछि दुवैजनालाई पुनः अस्पताल भर्ना गरिएको प्रदेश २ को सामाजिक विकास मन्त्रालयका प्रवक्ता, रामप्रसाद घिमिरेले जानकारी दिए ।
उनीहरूमा कोरोना सङ्क्रमणको जस्तै लक्षण देखिन थालेपपछि पुनः नारायणी अस्पतालको आईसोलेसनमा राखी स्वाब परीक्षणका लागि काठमाडौँ पठाइएको प्रवक्ता घिमिरेले आज नियमित मिडिया ब्रिफिङका क्रममा जानकारी दिए ।
