काठमाडौँ । पञ्जाव किंग्सले जारी आइपिएलमा लगातार दोस्रो जित हासिल गरेको छ । गएराती सम्पन्न खेलमा पञ्जावले चेन्नई सुपर किंग्सलाई ५ विकेटले पराजित गरेको हो ।
चेन्नईले दिएको २१० रनको लक्ष्य पछाएको पञ्जावले १८.४ ओभरमा ५ विकेट गुमाउदै पुरा गरेको थियो ।
पञ्जावको जितमा कप्तान श्रेयस अय्यरले ५० रन बनाएका थिए भने प्रभसिम्रन सिंहले ४३, प्रियांश आर्याले ३९ र कूपर कोन्नोलीले ३८ रन बनाएका थिए ।
यसअघि चेन्नईले टस हारेर पहिला ब्याटिंग गर्दै २० ओभरमा ५ विकेट गुमाउदै २०९ रन बनाएको थियो । चेन्नईका लागि आयुष म्हात्रेले सर्बाधिक ७३ रन बनाए भने शिभम दुवेले ४५ र सरफराज खानले ३२ रन बनाएका थिए ।
यो पञ्जावको लगातार दोस्रो जित हो । त्यस्तै चेन्नईले भने लगातार दोस्रो हार बेहोरेर सिजनको खराब शुरुवात गरेको छ ।
त्यस्तै आइपिएलमा आज दुई खेल हुदैछन् । आज दिल्ली क्यापिटल्स र मुम्बई इण्डियन्स ताता गुजरात टाइटन्स र राजस्थान रोयल्सबीच खेल हुदैछ ।
