कनिका खबर
साउन ३२, नुवाकोट
नुवाकोटमा प्रहरीले अवैध रुपमा नदीजन्य सामग्रीको उत्खनन् नियन्त्रण अभियान शुरु गरेको छ । प्रहरीद्वारा अबैध रुपमा नदीजन्य पदार्थको उत्खनन तथा ओसार प्रसारमा संलग्न उपकरण तथा साधन कारबाहीमा परेका छन् । नदीजन्य पदार्थ उत्खनन् तथा ओसारप्रसार गर्ने ट्रिपर र स्काभेटरलाई प्रहरीले नियन्त्रणमा लिई जिल्ला समन्वय समितिमा बुझाइएको जिल्ला प्रहरी कार्यालय नुवाकाटले जनाएको छ । नुवाकोट प्रहरी प्रमुख तथा प्रहरी उपरिक्षक अविनारायण काफ्लेले बेलकोटगढी नगरपालिका वडा नं ३ ठुलोबगरस्थित कोल्पुखोलाको किनारामा स्काभेटर प्रयोग गरी नदिजन्य पदार्थ उत्खनन गरी रहेको फेला पारेपछि नियन्त्रणनमा लिई कारवाहीका लागि पठाइएको बताउनुभयो । जिल्ला प्रहरी कार्यालय नुवाकोटद्वारा गस्तीमा खटिएको प्रहरी टोलीले नियन्त्रणमा लिई विदुरस्थित समन्वय समितिमा बुझाएको हो । त्रिशूली नदीको किनारामा अबैध उत्खननमा प्रयोग भएको स्काभेटरबाट ५० हजार रुपैया जरिवाना असुल गरेको जिल्ला प्रहरी कार्यालय नुवाकोटले जनाएको छ । त्यस्तै अबैध बालुवा ढुवानी गरिरहेको बा २ क १७११ नम्बरको ट्रिपर नुवाकोट प्रहरीले नियन्त्रणमा लिएको छ । बिदुर नगरपालिका वडा नं ५ शेराबाट बा२क १७११ नम्बरको ट्रिपर अबैध रुपमा उत्खनन् गरि बालुवा लोड गरि रहेकै समयमा प्रहरीले नियन्त्रणमा लिएको हो । नदीजन्य सामग्रीका्े अबैध उत्खननमा प्रयोग भएको ट्रिपरबाट २५ हजार रुपैया जरीवाना असुली भएको छ । असार १ गते देखी हाल सम्म १३ वटा ट्रिपर, एउटा आईचर, २ वटा ट्रयाक्टर र २ वटा स्काभेटरलाई नियन्त्रणमा लिई जरिवाना लिएर कारबाही गरेको नुवाकोट प्रहरीले जनाएको छ । नुवाकोटमा हालसम्म अबैध उत्खननमा प्रयोग भएको सवारी साधन तथा स्काभेटरबाट कुल ४ लाख १५ हजार रुपैया राजस्व संकलन गरिएको छ । नदिजन्य पदार्थको उत्खनन, ओसारपसार र प्रयोग सम्बन्धी बिषयमा जिल्ला समन्वय समितिका प्रमुखको अध्यक्षतामा बसेको समन्वयात्मक बैठकले असार १ देखी भदौ मसान्तसम्म (३ महिना) नदिजन्य पदार्थको उत्खनन तथा संकलन गर्न प्रतिबन्ध लगाइएको छ ।
मा प्रकाशित
