कनिका खबर
भदौ २, दाङ ।
रूसले विकास गरेको कोरोना भाइरस विरुद्धको खोपको तेस्रो चरणको मानव परीक्षण सुरु गर्न लागेको छ । गत मंगलवार रूसले विश्वकै पहिलो कोरोना विरुद्धको खोप विकास गरेको दावी गर्दै मानवमा लगाउनका लागि तयार रहेको दावी गरेको थियो । दुई चरणको परीक्षण लगतै मानिसमा लगाउन तयार रहेको भन्दै खोपको उत्पादन समेत सुरु गरिसकेको रूसको खोपप्रति विश्वका विभिन्न वैज्ञानिकले चिन्ता जनाउँदै मानिसमा खोप नलगाउन आग्रह गरेको थियो । वैज्ञानिकहरुको तिनै चिन्तालाई अन्त्य गर्न रूसले स्पुतनिक भी नामक खोपको अब तेस्रो चरणको मानव परीक्षण आउने साताबाट सुरु गर्न लागेको छ । तेस्रो चरणको मानव परीक्षणमा मस्कोका दश हजार मानिसलाई सहभागि गराइने छ ।
मा प्रकाशित