मा प्रकाशित
कनिका खबर
भदौ ६, विरगञ्ज ।
विरगञ्जको नारायणी कोभिड १९ अस्पतालमा उपचाररत २ कोरोना संक्रमितको मृत्यु भएको छ ।
अस्पतालले दिएको जानकारी अनुसार वीरगञ्ज महानगरपालिका वडा नम्बर २६ सुगौली विर्ता बस्ने ५८ वर्षका पुरुष र बहुदरामाइ नगरपालिका ४ डोर्केलाका ६१ वर्षीय पुरुषको ज्यान गएको हो ।
५८ वर्षे ती पुरुषमा कोरोना पोजेटिभ देखिएपछि आइसीयू र भेन्टिलेटरमा उपचार गराइरहेको थियो । उनको हिजो शुक्रबार राति ८ बजेतिर मृत्यु भएको अस्पतालले जानकारी दिएको छ ।
त्यस्तै डोर्केलाका ६१ वर्षीय पुरुषको आज शनिबार बिहान निधन भएको हो । भदौ ३ गते गरिएको स्वास्थ्य परीक्षणमा उनमा पनि कोरोना देखिएको थियो । भदौ ४ गतेदेखि आईसीयू र भेन्टिलेटरमा राखेर उपचार गराइरहेका उनको बिहान ७स्१० बजे निधन भएको हो ।
