कनिका खबर
भदौं ६, सिन्धुपाल्चोक
नौ दिन अघि सिन्धुपाल्चोकको जुगल गाउँपालिका दुइ लिदीको लामागाउँ पहिरोमा बेपत्ता भएका मध्ये आज थप दुइको शव फेला परेको छ । आज एक महिला र एक बालीकाको शव फेला परेको जिल्ला प्रहरी कार्यालय सिन्धुपाल्चोकका प्रहरी नायव उपरीक्षक माधव प्रसाद काफ्लेले जानकारी दिनुभयो । आज ३५ वर्षियि सानुकान्छि दोङ र४ वर्षिया करीश्मा दोङको शव फेला परेको काफ्लेले जानकारी दिनुभयो । यससँगै पहिरोमा ज्यान गुमाउनेको संख्या ३२ पुगेको छ । ७ जना अझै बेपत्ता छन् । हालसम्म शव फेला परेकामध्ये १६ पुरूष र १६ महिला छन् । तीमध्ये १५ बालबालिका मात्रै छन् । बेपत्ताको सशस्त्रका निरीक्षक श्रेष्ठ, नेपाल प्रहरीका निरीक्षक हरि भट्टराई तथा सेनाका क्याप्टेन शैलेन्द्र बिष्टको नेतृत्व खोजी भइरहेको छ । यसैबीच, लिदी पहिरोका विस्थापितहरुलाई स्थानान्तरण कार्य थालिएको छ । जुगल गाउँपालिकाकै वडा नं १ सेलाङको बाँसखर्कमा सार्ने तयारी भएको हो । हाल पहिलो चरणमा सबैलाई टेन्टमा राख्ने गरि तयारी भइरहेको गाउँपालिका अध्यक्ष होम नारायण श्रेष्ठले बताउनु भयो । सबै परिवारलाई टेन्टमा राख्ने गरि आवश्यक सामाग्री आज ढुवानी गरिएको छ ।
वस्ती स्थानान्तरणका लागि विभिन्न जिम्मेवारी छुट्याइएको छ । जसअनुसार जिल्ला विपल व्यवस्थापन समितिले आवस्यक टेन्ट उपलब्ध गराउने निर्णय बमोजिम आजै ९८ थान टेन्ट गाउँपालिकालाई हस्तान्तरण गरिएको छ । जुगल गाउँपालिका कार्यालयले बाँसखर्कमा रहेको खुल्ला क्षेत्रमा जग्गा सम्याउने, शिविर व्यवस्थापन गर्ने तथा सडक पूर्वाधारको व्यवस्थापन गर्नेछ । जिल्ला आयोजना कार्यान्वयन इकाइले आवास व्यवस्थापन र डिभिजन खानेपानी कार्यालयले खानेपानीको व्यवस्थापन मिलाउने छ भने जिल्ला स्वास्थ्य कार्यालयले स्वास्थ्य सेवाको प्रबन्ध मिलाउने छ । रेडक्रसले शौचालय व्यवस्थापनको जिम्मा लिएको छ ।
