बेनी–जोमसोम सडक एक महिनापछी सिधा सञ्चालनमा – Kanika Khabar
Sunday, May 22Nepali News Portal

बेनी–जोमसोम सडक एक महिनापछी सिधा सञ्चालनमा

    मा प्रकाशित

कनिका खबर
भदौं ८, म्याग्दी
राष्ट्रिय गौरवको आयोजना अन्तरगतको बेनी–जोमसोम करिब सडक ३४ दिनपछी सञ्चालनमा आएको छ । बेनी—जोमसोम जोड्ने ७६ किमी सडकमा पर्ने काभ्रे भीरमा एकतर्फी सडक बनेपछी कालिगण्डकी करिडोरको निर्माणाधीन बेनी जोमसोम सडक सोमबारबाट सिधा सञ्चालनमा आएको हो । अविरल वर्षाका कारण गत असार २५ गते देखीे बेनी—जोमसोम सडकको दर्जनौं स्थानमा बाढीरपहिरो र नदी कटानले सडकमा सिधा सवारी अवरुद्ध भएको थियो । बर्षाले बेनी—जोमसोम जोड्ने सडक अन्र्तगत म्याग्दीको बेनी गलेश्वरको मोटरेबल पुल, अन्नपूर्ण गापाको तातोपानी, दाना र रुप्से झरना र मुस्ताङको थासाङ गापा—४ को लेते खोला, कैकु, घासा र घोप्टे ओढारमा बाढी पहिरोले सिधा सवारी अवरुद्ध गराएको थियो ।

करिडोर सडकका सवइन्जिनियर किरण घिमिरेले दिएको जानकारी अनुसार म्याग्दी र मुस्ताङको सीमावर्ती क्षेत्र काभ्रेभीरको तुरतुरे धाराको अग्लो पहाडमा विस्तार भएको सडकमा सुख्खा पहिरो जाँदा त्यहाँ करिब ७० मिटर सडक संरचना भासिएका कारण सडक सञ्चालनमा समस्या आएको थियो । बेनी—जोमसोम सडकको सिधा यातायात सञ्चालन गर्न म्याग्दीको रुप्सेमा करिब २ सय मिटर सडक डाइभर्सन निर्माण गरी एकतर्फी सडक सूचारु गरेको सबइन्जिनियर घिमिरेले बताउनुभयो । बर्सेनि राष्ट्रिय गौरवको बेनी—जोमसोम सडकको म्याग्दी खण्ड र मुस्ताङको थासाङ खण्डमा कमजोर भूबनोवटका कारण बाढी÷पहिरो र नदी कटानले सडक अवरुद्ध हुने गरेको बेनी जोमसोमको सडक निमार्णको जिम्मा शर्मा गजुरमुखी निर्माण कम्पनीले जनाएको छ । बेनी—जोमसोम सडकमा लगातार एक महिना लामो सडक अवरुद्धले मुस्ताङमा खाद्यान्न, पेट्रोलियम पदार्थ र निर्माण सामग्री ढुवानीमा समस्या परेको थियो ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्