मा प्रकाशित
कनिका खबर
भदौं ८, जाजरकोट
जाजरकोट सदरमुकाम खलङ्गामा एकै दिन १९ जना कोरोना संक्रमण पुष्टी भएपछि भेरी नगरापलिकाका वडा नम्बर ३ र वडा नम्बर ४ मा आज रातिबाट १ साताका लागि निषेधाज्ञा लागू हुने भएको छ । आइतबार बसेको कोरोना सङ्कट व्यवस्थापन समितिको बैठकले आज राति १२ बजेदेखि भदौ १५ गते राति १२ बजेसम्म निषेधाज्ञा लागू गर्ने निर्णय गरेको हो । सुरक्षाकर्मी, कर्मचारी र समुदायका केही व्यक्तिमा सङ्क्रमण देखिएपछि निषेधाज्ञा लगाउने निर्णय गरिएको प्रमुख जिल्ला अधिकारी जनकराज पन्तले जानकारी दिनु भयो ।
रुकुमको चौरजहारी प्रयोगशालामा गरिएको पीसीआर परीक्षणबाट आइतबार १९ जनामा सङ्क्रमण पुष्टि भएको हो । २० जनामा परीक्षण गर्दा १९ जनाको सङ्क्रमण पुष्टि भएको भेरी नगरपालिकाको स्वास्थ्य शाखा संयोजक निशा थापाले जानकारी दिनु भयो ।
