तह अनुसार प्रत्यक हप्ताको २ दिन कक्षा सञ्चालन गर्ने स्वामीकार्तिक माविको तयारी – Kanika Khabar
Friday, October 7Nepali News Portal

तह अनुसार प्रत्यक हप्ताको २ दिन कक्षा सञ्चालन गर्ने स्वामीकार्तिक माविको तयारी

    मा प्रकाशित

कनिका खबर
भदौं १२, बाजुरा
बाजुराको स्वामीकार्तिक खापर गाउँपालिका वडा नं ४ वाईमा रहेको स्वामी कार्तिक माध्यमिक विद्यालयले भदौ २१ गतेदेखि अध्यापन शुरु गर्ने निर्णय गरेको छ । कोरोना महामारीका कारण विद्यालय क्षेत्र नराम्रोसँग प्रभावित भएको र विद्यार्थीको पठन पाठन ठप्प भएकाले यसअघि गाउँपालिकाले गरेको निर्णय अनुसार भदौ २१ गतेदेखि साविकका तिन तहका फरक फरक समयमा अध्यापन शुरु गर्ने निर्णय गरेको हो ।

विद्यालयका निमित्त प्रधानाध्यापक नहकुल जोशीको अध्यक्षतामा बसेको बैठकले हप्ताका ६ दिनमा आइतवार र सोमवार कक्षा ९ र १० को अध्यापन गर्ने भएको छ भने मंगलवार र बुधवार कक्षा ६ देखि ८ सम्मको र विहिवार र शुक्रवार कक्षा १ देखि ५ सम्मको अध्यापन गर्ने निर्णय गरेको हो । उचित सामाजिक दुरी कायम गर्दै हाल स्थानिय तहमै भएका शिक्षकहरु मार्फत प्रत्यक तहको अलग अलग अध्यापन गर्ने निर्णय गरेको निमित्त प्रधानाध्यापक जोशीले जानकारी दिनुभयो ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्