कनिका खबर
भदौं १५, सिन्धुपाल्चोक
मेलम्ची नगरपालिकामा नगस्तरीय स्थानिय कोरोना विपद् ब्यबस्थापन समितिको बैठक सम्पन्न भएको छ । नगर प्रमुख डम्बर अर्यालको संयोजकत्वमा बसेको बैठकले महत्वपुर्ण ५ वटा निर्णय गरेको छ । आजको बैंठकले नगरका कर्मचारीहरुलाइ काठमाडौं या कोरोना प्रभावित स्थानहरुमा आवत जावतमा रोक लगाउने निर्णय गरेको छ । अति आवश्यक काममा जानै परेमा ब्यक्तिगत सुरक्षाको मापदण्ड अपनाएर जाने र फर्किएपछि २ हप्ता होम क्वारेन्टाइन तथा संस्थागत क्वारेन्टाइनमा २ हप्ता बस्न लगाउने निर्णय पनि भएको छ । त्यस्तै बैठकले प्रभावित जिल्लाहरुबाट मेलम्ची प्रवेशमा नाकाहरुमा कडाइका साथ रोक लगाउने र अतिआवश्यक काम परेर आउनेहरुलाइ होम क्वारेन्टाइनमा बस्नकालागि वडा कार्यालयमा जिम्मा लगाउने निर्णय भएको छ । त्यस्तै भाद्र ९ गतेके निर्णय अनुसारनै बजार खुल्ने र विक्रि वितरण गर्ने निर्णयलाइ भाद्र १७ गतेसम्म यथावत रहने निर्णय भएको मेलम्ची नगरपालिकाका प्रमुख डम्बर अर्यालले जानकारी दिनुभयो ।
मा प्रकाशित
