जंगली च्याउ खाँदा सात जना बिरामी

कनिका खबर
भदौं १६, नुवाकोट
रसुवाको आमाछोदिङ्मो गाउँपालिका–४ को भेठिगोठमा जंगली च्याउ खाँदा सात जना बिरामी भएका छन् । एकै घरका तीनसहित सात जना बिरामी भएको बताइएको छ । बिरामी भएका सबै जनाको उपचार भइरहेको छ । च्याउ खाएर बिरामी भएको जानकारी पाउनासाथ थाम्बुचेत प्रहरी चौकीबाट प्रहरी सहायक निरीक्षक अभिनाष भण्डारीको नेतृत्वमा ३ जना र थाम्बुचेत स्वास्थ्य चौकीका २ जना स्वास्थ्यकर्मी उद्दारको लागि घटनास्थल पुगेका थिए । स्वास्थ्य सहायक सुरेन्द्र रोकाया र डिल्लीरमण डाँगीले बिरामीको उपचार गरिरहेका छन् ।